चंद्रशेखर बावनकुळेंचं मोठ्ठं प्रमोशन होण्याचे संकेत

राज्यात विधानसभा निवडणुकांचा निकाल 23 नोव्हेंबर रोजी लागल्यानंतर साधारण दीड महिना उलटून गेला असला तरी राज्यातील विविध जिल्ह्यातील पालकमंत्री पदाच्या नावांची घोषणा अद्याप व्हायची आहे. नागपूरमध्ये पालकमंत्री (Nagpur Gurdian Minister) कोण होणार याबाबत राज्यभर उत्सुकता असून याबाबत केंद्रीय मंत्री नितीन गडकरी (Nitin Gadkari) यांनी सुतोवाच केलंय. राज्याचे महसूल मंत्री चंद्रशेखर बावनकुळे नागपूरचे पालकमंत्री होणार असल्याचे वक्तव्य नितीन गडकरींनी केलं आहे. खासदार क्रीडा महोत्सवाच्या तारखांची घोषणा करताना गडकरी यांनी अनावधानानेच पालकमंत्री म्हणून चंद्रशेखर बावनकुळे (Chandrashekhar Bavankule) यांच्या नावाचा उल्लेख केला.